ஏமாற்றிய நிலவு

ஜன்னல் வழி வந்து
மின்னும் ஒளி தந்து
படுத்திருந்த என்னை
பார்க்க வைத்தாய் உன்னை

விளையாட வா என்று அழைத்தாய்
யாருமில்லா இடத்திற்கு இழுத்தாய்
உன்னில் மயங்கி எழுந்தேன்
உன் எண்ணம் புரியாமல் விரைந்தேன்
என்னுடன் விளையாடுவாய் என்று நினைத்திருந்தேன்
மேகங்களுடன் நீ உறவாட ஏமார்ந்திருந்தேன்

காத்திருந்தேன் காத்திருந்தேன்
மேகங்கள் விலகும் என காத்திருந்தேன்
நீ என்னை நினைப்பாய் என காத்திருந்தேன்
எனக்காக நீ வருவாய் என காத்திருந்தேன்
நேரம் அறியாமல் காத்திருந்தேன்

நேரமும் அழிந்தது
உன் எண்ணமும் புரிந்தது
என் தவறும் எனக்கு தெரிந்தது
காற்றும் என் உதவிக்கு வராததால்
உனக்கும் என் ஆசை புரியாததால்
ஏமாற்றிய உன்னை மறக்க இயலாமல்
வீடு திரும்பி படைத்தேன் இம்மடல்